Arunachal Chakma zirlai hruaitu man

Arunachal Pradesh-a, All Chakma Students’ Union president Ran­jan Kumar Chakma (Sabhananu) chu May 25 khan helte thawhpuia puh a nih chungchangah police te'n an man.

Ranjan-a lakah hian ARMS Acts leh Unlawful Activities (Prevention) Act tlawhchhanin Miao Police station-ah thubuai ziahluh a ni.

Ranjan-a hi All Aru­nachal Pradesh Deprived People Front (APDPF) president hna chelh lai a ni bawk. Police te chuan security force te nen ṭangruala beihpui an thlaknaah a hmain APDPF mi pasarih an lo man tawh bawk a, anmahni rualin silai leh a mu ṭhahnem tak an man tel bawk. Police beihpui thlaknaah hian APDPF mi leh sa pakhat chu kahhlum a ni a, thubuai an chhui zelnaah APDPF General Secretary leh All Chakma Students’ Union General Secretary hna chelhkawptu, Arunjit Chakma pawh man a ni bawk.