Assam: Assam Christian Forum (ACF) in Kristiante venghim turin ngen

Assam Christian Forum (ACF) chuan an state-a sakhaw tlem zawk, Kristiante beih a nih fo avangin state sorkar hnenah Kristiante dikna chanvo neihte venhimsak turin a ngen.

Ningani zana emergency meeting an neihah, forum chuan an state-a Kristian sakhaw zuitu leh Kristian enkawl zirna leh an sakhaw hmunte beih a ni fo chu an ngaimawh thu leh an dem thu an sawi. Karbi Anglong, Dima Hasao, Goalpar leh hmun danga biak-in leh Kristiante police-ten an chhuizui chungchang pawh sawi chhuakin, hei hian Kristian zingah hlauhna a siam a ni, an ti.

ACF thupuangtu, Allen Brooks chuan, "Haflong-a Vishwa Hindu Parishad (VHP) hotu pakhat chuan kohhran dik lo taka puhin, ruihhlo tawlhluhna a inhnamhnawihah a puh a ni. Hetianga Kristiante rilru ti na leh, dik lo taka a puh chungchangah thuneitute lamin hma an la miah loh hi a mak hle a ni," tiin a sawi. Assam sorkarin ssam Magical Healing (Prevention and Evil) Act a hman hnuah kohhran mi leh sa tam tak chu damlote tana an ṭawngtaisak vangin tihnawmnah leh thubuai siamsak a ni tawh a ni, tiin a sawi bawk.