Union Minister-in pharma institute dinna tur lung a phum

Union Minister for Chemicals and Ferti­lizers Ananth Kumar chuan kar kalta Inrinni khan Guwahati-a Na­tional Institute of Phar­maceutical Educa­tion and Research (NIPER) dinna tur lung a phum.

Gauhati Medical College and Hospital (GMCH) auditorium-a inkhawmna neihah Union Minister Kumar chuan thu sawiin, NIPER chu world-class institution a nih tur thu leh hna thawh ṭan nghal a nih tur thu a sawi.

NIPER dinna atan hian state sorkar chuan kum 2009 khan ram a ngaihtuah fel tawh a, mahse hna ṭan nghal a ni lo.

Guwahati khaw­pawna Silapahar hmunah cheng vaibelchhe 580 senna tur NIPER hi din a ni dawn a, state sorkar chuan ram acre 89-a zau a pe a ni.

Kumar chuan dam­dawi man tlawm, generic medicine zawrhna centre pawh Assam-a district 27-ah hawn a nih tur thu a sawi a, hemi atan hian Union Ministry chu memorandum of understanding (MoU) ziahpui turin state sorkar a ngen bawk.

Chief Minister Tarun Gogoi-a'n national petroleum research and study institute anga Assam-a petroleum institute hawnsak tura a ngenna pawh Union Minister Kumar chuan Delhi a thlen hunah bawhzui a tum thu a sawi.