Kolkata-Agartala bus service enchhin dawn

Bangladesh kaltlanga Agartala leh Kolkata bus service tur chu vawiin hian enchhin a ni dawn a, official-a bus service hma­sa ber erawh June 6 hian Prime Minister Na­ren­dra Modi leh Bang­ladesh PM Sheikh Ha­sina-i'n an vai liam ang.

West Bengal Tran­sport Secre­tary Alapan Banerjee chuan bus service enchhinna hi vawiina neih a nih tur hi Tripura sorkar a hriattir tawh bawk.

"June 1 hian official team te phurtu, bus chu Benapool aṭangin Agartala panin a chhuak ang a, bus hi Bangladesh khawpui, Dhaka-a zan khat a chawlh hnuah a tukah Agartala panin a chhuak leh dawn a ni," tiin Transport Secretary Banerjee chuan Tripura sorkar a hriattir a ni.

Hetihlai hian Prime Minister Modi chuan June 6 hian ni hnih cham turin Dhaka a tlawh dawn a, Agartala leh Kolkata inkara bus service tur pawh hi Bangladesh PM Sheikh Hasina nen official-in an hawng nghal ang.