Foreigner te tan NE zin a awlsam dawn

Rampawn khualzin mite tan hmarchhak biala zin a awlsam zawk nan Union Tourism Ministry chuan protected area permit (PAP) leh restricted area permit (RAP) thlahdul a ngen.

Tourism Ministry chuan a ngenna hi Union Home Ministry-ah a thlen tawh thu Union Tourism secretary Lalit Panwar chuan a sawi a, ram ven­himna tibuai loin Arunachal Pradesh leh Sikkim zin dawna permit neih ngaite thlahdul kan ngen a ni, a ti.

Kum 2011 khan Union Home Ministry chuan ram venhimna dinhmun a ennawn hnuah Manipur, Mizoram leh Nagaland-a protected area permit lak ngai chu hlih a lo remti tawh a ni. PAP leh RAP-in a huam chhunga zin turin foreign khualzin te chuan phalna an neih a ṭul a, foreign regis­trar officer hmaah inlanin, an zin chhan kim­chang an hriattir bawk tur a ni.

Hmarchhak biala khualzin hi kum 2011-a 58,920 aṭangin kum 2012-ah mi 66,302-ah an pung a, kum 2013-ah 27.9%-a pung chho lehin, mi 84,820-in hmarchhak bial an tlawh a ni.