Manipur: Bishnupur leh Churachanpur-ah medical camp buatsaih

Manipur-ah Indian Army leh District Medical Authorities thawkdun chuan Bishnupur leh Churachandpur district-a khaw hrang hrangah November 29 leh 30 khan medical camp an buatsaih.

Medical camp buatsaihah hian army doctor, hmeichhe doctor, gynaecologist te an tel a, thisen test-na hmanruate an keng tel bawk. Damlo in entirte chu uluk taka enin, an damdawi mamawhte a thlawnin pek an ni.Ni hnih awh camp-ah hian mi 813 an in entir a ni.

Sipaite chuan tualchhung mipui, hriselna lama harsatna neite tan a hun taka enkawlna an dawn chhunzawm theih nan ṭanpuina an pe zui zel dawn a ni.

Medical camp hi November 29 khan Churachandpur district-ah T Kananphai village, Siden, Churachandpur ah November 29 huaihawtin November 30-ah Bishnupur district-ah an neih a ni bawk.

Tunhnai maiah Assam Rifle ten Manipur-ah hian Mega Medical Camp an lo huaihawt tawh bawk. Ni thum chhung camp hi district hrang hrangah buatsaihin, in entir hi mi 6,750 an tling.