Manipur: 2017 aṭangin opium chinna hmun acre 19,000 ti chhe tawh

Manipur sorkar chuan kum 2017 aṭang khan district 12-ah dan phal loha opium chinna hmun acre 19,135 an ti chhe tawh niin Mapping leh Estimation of Opium Poppy Cultivation Area ten Remote Sensing leh GIS Technology hmanga an zirchianna chuan a tarlang.

Kangpokpi district-ah opium chinna hmun hi acre 4,454.4 tih chhiat a ni tawh a, Ukhrul -h acre 3,348 leh Churachandpur- ah acre 2,713 tih chhiat a ni tawh bawk.

District danga dan phalloha opium chinna hmun Tengnoupal-ah acre 2,575, Chandel-ah acre 1,982 leh Senapati ah acre 1,682 tih chhiat a nih tawh bawk a ni.

Kum 2021-22 khan opium chinna hmun hi district pakua-ah acre 28,598.91 tih chhiat a ni a, 2023-24 khan acre 11,288 tih chhiat a ni. Kum 2023 leh 2024 khan opium chinna hmun hi 2022-23 aiin 32.13% in a tlahniam tawh niin an tarlang bawk.

Chief minister N Biren Singh chuan thla hmasa khan X -ah thu a chhuahah, Manipur sorkar chuan hmarchhak biala dan phal loh opium chinna hmun tihchhiat zel a nih tur thu a sawi a ni.