Angami te'n Mao mite an hrek

Dzukou leh Kezoltsa ram inchuh vanga Manipur, Senapati district-a Naga hnam, Mao leh Nagaland, Kohima district-a Angami Naga mite inkarah inhriatthiam lohna thleng chuan ṭhat lam a pan thei lo a, Nagaland lama Southern Angami Youth Organisation (SAYO) chuan Mao mite ei leh bara hrek tumin kar kalta Zirtawpni aṭang khan kawngpui dangchat a, Pathiannia SAYO meeting chuan kawng engkima Mao mite hrek a rel.

SAYO chuan nimin zing dar nga aṭangin Mao mite hrekna hi a chhunzawm leh nghal.

Manipur lama Committee for Koziirii-Dzukou Land Boundary Resolution (CKDLBR)-in tiamchin awm loin Imphal leh Dimapur inkalpawhna kawngpui danchah an tum thu an puan avangin SAYO hian kawng engkima hrek vek a rel ṭha leh a ni. CKDLBR hian Manipur ram china Imphal leh Dimapur inkalpawhna kawngpui an danchah hi nizan khan an ṭan ve nghal bawk.

Ram inchuh thubuaiah SAYO chuan Mao Council chu Naga hnam nilote hnuk luh tuma puhin, CKDLBR dinah a puh a, Dzükou leh Kezoltsa chu Manipur ram a ni em tih finfiahna nena sawifiah turin a phut a ni.