SAYO-in kawngpui dangchat chhunzawm zel

Ram inchuh thubuai avanga Nagaland-a Sou­thern Angami Youth Or­ga­nization (SAYO) te'n Manipur-a Mao mite ei leh bara hreka, June 1 aṭanga kawngpui an danchahsak chu chhunzawm zel a ni a, SAYO chuan Dzükou leh Ke­zoltsa ram inchuh chu chin­fel a nih loh chuan kawng­pui dan zel an tum thu a tarlang.

SAYO chuan kawng­pui an danchahna hmuna kaltlang tumte chu eng hnam nge an nih tih an hriat theih nan identity card keng zel turin an hriattir bawk.

Hetihlai hian Mani­pur-a Mao hnam pawl, Mao Council chuan ram inchuh thubuai kaih­hnawiha May 22-a bandh an huaihawt chu state sorkar laka an lungawi loh lantirna chauh a nih tih tarlangin, eng hnam mah an bitum bik loh thu a tarlang.