N'land-ah Pawan Hans helicopter service ṭan

Mi 11 chuan theihna, Pawan Hans Helicopters Ltd (PHHL) helicopter service chu Thawhṭanni khan Dimapur airport-ah hawn a ni.

Helicopter service hi Nagaland State Transport general manager Senti Pongener-a'n a hawng a, Pawan Hans (Operations) Deputy general manager Captain Ajay Srivastava chuan helicopter service hawnna inkhawm a hmanpui.

State Transport GM Pongener chuan a hmain King Rotors and Thumby Aviation Ltd-in Nagaland-ah kum nga leh thla li helicopter an service tir tih a sawi a, an service pek chu ṭha an tih thu leh an chungah Nagaland mipuite an lawm thu a sawi.

Nagaland-a Pawan Hans helicopter service atan hian state sorkar chuan Union Ministry of Home Affairs (MHA) leh Union Ministry of Civil Aviation te chu inremna a siampui a, inremna angin helicopter hi June 1, 2015 aṭangin October 31, 2015 thleng a service ang.

Captain Srivastava pawhin thu sawiin, Pawan Hans Ltd chu Nagaland mipuite rawngbawlsak tura inpe a ni, a ti a, helicopter thlawh hun chu mipuite leh state sorkar remchan dan anga siam a nih tur thu a sawi.

Pawan Hans hian Nagaland bakah hian Arunachal Pradesh, Meghalaya, Tripura, Sikkim, Mizoram leh MHA Guwahati-ah helicopter a service tir mek a ni.