Nagaland-in solar power device sem dawn

Nagaland sorkar, Department of New and Renewable Energy (NRE) chuan mipuite hnenah ni zung chakna khawl theihna tur, solar power device a sem dawn.

NRE-in scheme a kalpui hi kawlphetha thlen lohna hmun, lo leh huana thlamahte an hman ṭangkai tur thu NRE director T S Angami chuan a sawi. Scheme hnuaiah hian solar power pump sem tum a ni bawk a, a dawngtute chuan chhun lamah tui pump nan an hman theih tur thu leh zan lamah eng chhit atan an hman theih tur thu a sawi bawk.

Angami chuan he scheme atan hian a dawng tur te leh sorkarin 50% ve ve an tum tur thu a sawi a, mipuite'n an chhawr ṭangkai tur thu a sawi.

NRE director Angami chuan directorate zawng zawng bakah Civil Secretariat leh Assembly building-ah te solar power plant an vuah tawh thu a sawi a, district zawng zawnga sorkar office pawimawhah dah vek tuma hma an lak mek thu a sawi bawk.