Journalist te'n HC thuchhuak PCI-ah thlen tum
Meghalaya High Court chuan tunhnai khan Director General of Police (DGP) ngenna angin pawl ṭhenkhatin mipui nunphung tikhaihlak thei, bandh, strike, kawng zawh leh kawngpui danchah an huaihawt ṭhin chu thehdarh lo turin media te a khap a, hemi chungchang hi Meghalaya-a working journalist te chuan Press Council of India (PCI) leh thuneitu sang zawkte hnenah thlen an tum.
Shillong Press Club president D Laitphlang chuan, "High Court-in media te kalphunga khuahkhirhna a siam chu PCI-ah thlen kan tum a ni," a ti.
Meghalaya High Court thutlukna chungchang PCI-a thlen an tum thu hi tun hnaia Press Club meeting-ah pawm a ni, a ti.
Chief Justice Uma Nath Singh, Justice T Nandakumar Singh leh Justice S R Sen te awmna HC bench chuan DGP Rajiv Mehta ngenna angin, pawl ṭhenkhatin dan phal loh thil, bandh, strike, kawng zawh leh kawngpui dangchah an huaihawt ṭhin chu media-a tarlan a khap a ni.
HC thuchhuak chuan bandh chu India danpui, Articles 19 leh 21-a mihring dikna chavo palzutna a ni, tiin bandh huaihawttute chu dan hmanga thubuai siamsak theih an ni, a ti.