Essien-a'n Panathi-naikos a pan

Ghana international midfielder Michael Essien chuan free transfer-in Greek club Panathinaikos a zawm. Milan-a a contract a hman zawh hnuin Essien hian kum hnih cham turin Greek club hi a zawm a ni.

Kum 32-a upa Essien hian Milan tan thla 18 chhung khel hmanin inelna hrang hrangah vawi 22 a inlan. A club hian contarct thar an ziah pui loh avangin a duh lam lam a hawi thei a ni.

A vanglaia midfielder tharum ngah tak, Chelsea leh Real Madrid tan pawha khel tawh ṭhin Essien chuan, "Panathinaikos nena inremna kan siam thei hi ka lawm hle, team thar ka neih dawn avangin a rang thei ang bera insiam rem ka tum anga, chamipon nomawi chawi pui ngei ka tum bawk ang. Fan te min lo lawm luh danah ka lawm hle a, an beisei ang ngeia khelh pawh ka tum ang," tiin a sawi.

Essien-a club thar Pa­nathinaikos hian Pathian­ni khan PAOK chu 2-0 a hnehin season thara UEFA Champions League qualifying khel turin an inpet tling a ni.