Meghalaya: Khualzinte tan helicopter service siam dawn

Meghalaya sorkar chuan tourism tih hmasawn nan leh khualzin tam zawk an hip luh theihna turin helicopter service a siam dawn.

Tourism minister Paul Lyngdoh chuan helicopter service hi an state chhunga khualzinte tlawh tamna hmuna siam a nih tur thu sawiin, Guwahati aṭanga Shillong, Umroi Airport, Umiam, Sohra, Dawki leh New Shillong ah te thlawh tir an ni dawn tih a sawi.

State sorkar chuan museum an siak mekna, Mawsynram leh hmun dangah pawh inkalpawhna kawngpui ṭha zawk siam turin ruahmanna a siam bawk a ni.

Lyngdoh chuan infrastructure ṭha zawk, tourism ṭhang mek ti chak tura ruahman a nih thu a tarlang.

Meghalaya-ah hian khualzin tlawhtu an pung nasa hle a, kumin chhungin mi nuai 15 chuangin an tlawh tawh a ni. Skyscanner in survey a neihah, Indian tourist zingah India rama an tlawh chak leh tlawh nasat ber chu Shillong tia an sawi avangin, nakkum lamah pawh khualzin hi 60% vela an pun an rinthu an sawi.