Manipur: Manipur police ten ralthuam man

Manipur tlangram leh phairuama security force ten ralthuam zawn beihpui an thlakna kal zelah, Thoubal district-a Ching Ngamukhong ah ralthuam ṭhahnem tak an man.

Security force-ten ralthuam an mante hi SLR, SMG Carbine, Bore Double Barrel Gun 12, pistol .32 leh 9mm, high-explosive grenades paruk, detonator pahnih, silaimu 39, Baofeng walkie-talkie leh arming ring panga an ni.

December 2 khan Manipur police te hian Kakching disrict-a Kakching Lamkhai-ah KCP (PWG) member pali an lo man tawh bawk. An mi mante hi Sandham Premkumar Singh (45), Saikhom Sidan Singh (33), Nongmaithem Haridash Singh (56) leh Khundogbam Tomba Singh (40) te an ni a, dan phal loha pawisa khawn leh ralthuam kawla inhnamhnawih te an ni. An kut aṭang hian 7.26x25 mm M20 Pistol leh a mu, mobile phone panga, four-wheeler pakhat, midang laka thil an phutna lehkhatha leh KCP(PWG) tax receipt la hmanloh 80 an man tel bawk.