Sikkim: Tourism project thar atan Rs vbc 165 dawng dawn

Sikkim chuan tourism infrastructure project lian tham tak pahnih thawhna turin sorkar laipui aṭangin Rs vbc 165 a dawng dawn.

Sorkar laipoui chuan state 23-a tourist destination te tih changtlunna turin, Scheme of Assistance to States for Capital Investment (SASCI) atan Rs vbc 3,295 a ruahman a, hemi aṭang hian Sikkim hian project pahnih thawhna tur hi a dawng dawn a ni.

Project pakhat thawh tur hi South Sikkim-ah niin Bhaleydunga, Yangang, Namchi-a skywalk siamna tur a ni. Hemi atan hian budget Rs vbc 97.37 ruahmanin, long glass-bottom Skywalk hi meter 3,200-a sangah meter 240-a thui sia mtum a ni. Ropeway km 3.5 thuia siam hmangin pawh theih a ni dawn a, helai hmun tlawh tute chuan Maenam Wildlife Sanctuary leh Bhaleydunga Peak an hmu thei nghal ang. He hmalakna hi chu eco-tourism hub dinhmuna Sikkim dah tumna niin, tualchhung mi 61 te tan hna a siam phah dawn bawk.

Project pahnihna hi Nathula Pass, India-China ramria hmun infrastructure tih hmasawnna atan thawh a ni dawn a, hemi atan hian Rs vbc 68.19 an dawng dawn a ni. He project hian zin mite tana lirthei dahna hmun tur siam bakah, information centre leh chawlh hahdamna hmunte siam tum a ni. Tualchhung mi 30 ten tan hna siamsakin, khualzin tlawhtu pung zel lo dawnsawn kawngah pawh a pui thei dawn a ni.