Manipur: Manipur Police leh CRPF ten KCP (PWG) mi 3 man

Manipur police leh Central Reserve Police Force (CRPF) ṭangkawp chuan Kangleipak Communist Party (Peoples' War Group) mi leh sa pathum chu December 5, 2024 khan Imphal West-a Phayeng ah an man. An mi mante hi Laishram Kenjit Singh (36), Md Abdul Matalif (37) leh Lasihram Langamba Meitei (28) te an ni.

An mi mante kut aṭang hian ramchhung siam 9mm pistol leh a mu an man tel a ni. An birukna hmun Kangchup-ah enfiahi, hetah hian midang laka thil an phutna lehkhathawn leh dan phal loha ralthuam siamna hmun an hmuchhuak bawk.

Police te sawi danin an mi mante hi dan phal loha pawisa khawnna ah an inhnamhnawih a ni.

Tun hnai lawk khan Manipur police-te hian Kangleipak Communist Party (Peoples War Group) mi pali chu Kakching district ah an lo man tawh bawk a ni. Heng mite dan phal loha pawisa khawnnaa an inhnamhnawih bakah ralthuam an kawl avangin man an nih thu December 4 khan thuchhuah chuan a tarlang.