Sikkim : Tourism Minister-in mountain biking expedition vai liam

Sikkim tourism minister Tshering Thendup Bhutia chaun nimin, December 7, 2024 khan mountain biking expedition, 'Tour De Sikkim' a vai liam.

212 km mountain biking expedition hi Sikkim-a adventure tourism chawi larna tura buatsaih niin ni thum neih a ni dawn a, ram chhung hmun hrang hrang aṭangin rider 40 an tel. Hmun hmingthang, Silk Route pawh an kaltlang dawn a, a zan khatnaah Gnathang Valley-ah campin, a zan hnihnaah Rorathang ah an camp leh dawn a, a ni thumnaah Mc Marg, Gangtok-ah an tawp ang.

He expedition hi Sikkim sorkar Department of Tourism and Civil Aviation,Indian Himalayan Centre for Adventure and Eco-Tourism (ICHAE), leh Cycling Association of Sikkim te huaihawt a ni. Minister chuan rider-te chu him taka hun hmang turin duhsakna a hlan a, taksa hriselna atana cyling ṭhatzia te sawiin, expedition an neih chhung chuan Sikkim ram mawinate pawh belchiang turin a chah bawk.