Arunachal Pradesh: Governor-in Arunachal Rang Mahotsav 2024 a telpui

Arunachal Pradesh-a international theatre festival vawi khat neihna, Arunachal Rang Mahotsav 2024 grand finale chu December 5, 2025 khan neih niin, governor Lt. General KT Parnaik, PVSM, USYM, YSM (Retd) chuan a telpui a ni.

Hmarchhak biala theatre festival lian ber hi November 22 aṭang khan neih niin, December 5-ah an khar a ni. Ram chhung leh rampawn aṭangin arts kaihhnawih hmuhnawm tak tak an pholang.

Festival kharna inkhawmah hian Governor chuan thu sawiin, theatre-in khawtlang nuna pawimawhna a neih te a sawilang a, Rangmanch chu hmanlai ata tawh India hnam ziarang pholangtu a ni tiin society hausakna, chona leh hnam chawisanna a nih thu a sawi. District leh thingtlang khaw hrang hrangah theatre hmanga Arunachal cultural heritage chhawm nunga vawnghim zel turin mipui a chah bawk.

Festival chu hmarchhak biala theatre festival lawm hun chhung rei ber leh lian ber a nih thu a sawi a, India ramchhung leh rampawn aṭangin performance 33 entir a nih thu leh cultural exchange atana ṭangkai tak tak inhlanchhawnna hun a nih thu Governor chuan a sawi. Festival theme, 'Route to Roots' tih chu festival chhimtuten cultural heritage nen inzawmna thuk tak nei chunga khawvel rampum hnam ziarang an in lawmsak tawn a ṭulzia a hriattir thu pawh a sawi a ni.

Festival-ah hian event pasarih awm bawkin heng zingah hian seminar, workshop, exhibition leh interactive session te an tel a, hei hi mipui pawhin an hlawkpui hle a ni. Theatrical play hmuhnawm tak -Tani La Tonyo, Arunachal Pradesh Tani thawnthu behchhan a an siam entirna a ni a, he play hi Festival Director leh Roots Art and Cultural Trust Society founder, Riken Ngomle direct a ni.

Assemby speaker Shri Tesam Pongte, theatre director Dr. Anuradha Kapur leh Festival director Riken Ngomle ten thu an sawi bawk.