Meghalaya: Meghalaya HC-in dan loa zirtirtu lak chungchangah notice pe

Meghalaya High Court chuan West Garo Hills (WGH) district-a Dadenggre sub-division a dan loa zirtirtu laa puh a nih chungchangah state sorkar hnenah insawifiah tura hriattirna a pe.

Zirtirtu laknaa candidate zinga pakhat, Istiak Alom chuan Meghalaya High Court-ah hian December 3 khan petition a theh lut a, general category aṭanga zirtirtu 30 lak danah thil dik tawk lo awm niin a sawi. Alom bakah candidate lungawi lo dangte chuan D.El.Ed degree lem thehlut te lakah sorkarin eng angin nge hma a lak tih an lo zawt tawh bawk.

Complaint thehluh a nih aṭanga thlaruk chuang hnuah sorkar chuan final report hi a la pe chhuak lo a ni.

Heng an puhna te chhuichiang turin sorkar chuan member pathum awmna inquiry committee chu May 22, 2023 khan dinin, ni 25 chhunga an thil hmuhchhuah thehlut turin a ti a ni. Mahse RTI zawhna chhannaah hian tun thlenga final report a la awmloh thu sawi a ni a, department lam pawhin preliminary report chauh a awm thu an sawi bawk.Hma lakna a awm theih loh vangin Alom chuan High Court ah hian a thlen ta a ni.

Sorkarin thil diklo titute a chhanhim tlat chu hriatthiam a har thu sawiin, Alom chuan hunrei tak thudik an nghah tawh thu sawiin, court hmanga dikna hailan an tum ta niin a tarlang.

Kumin kumtir khan zirtirtu 34 chu unreserved category hnuaiah lak an ni a, heng zirtirtute lak an nih danah hian thil felhlel a awm nia sawi a ni. Alom hian Assam education board-a zawhnaaah a zawhah pawh, Meghalaya-a cheng nghette chu SCERT exam an hmachhawn thei lo tih tih chian a ni. Mahse candidate 12-te chuan degree lem an theh lut tih hmuh chhuah a ni. RTI hmanga zawhna tam tak siam a nih hnuah pawh sorkar hian report a pe chhuak thei lo a ni.