Manipur : Manipur Police-in opium chingtu mi 4 man

Manipur police chuan December 6 leh 7 zan khan Ukhrul district Khamason tlangdungah opium chingtu mi pali an man.

Intelligence-te aṭanga thu an dawn bawhzuiin, police chuan helai huamchhung dap beihpui an thlakna lamah opium chinna hmun acre 30 a zau an hmuchhuak a ni. An mi mante kut aṭang hian air gun pakhat leh chemte pahnih an man tel bawk.

Hetih mek lai hian December 7 a Manipur Police, forest department leh executive magistrate te thawk ho chuan Mao PS hnuaia Mao Pungdong-ah opium chinna tih chhiat beihpui an thlak bawk, ram acre khata zaua opium chin an lo ti chhia a ni.

Security force ten tlangram leh phaizawl district-a hmun derthawng zual laiah ralthuam zawn beihpui thlak an neih mekah 7.62 mm sniper rifle pakhat, pistol pathum, .303 bolt action rifle pakhat, hand grenade panga, Stardyne 90 explosive panga, electricc detonators pali, 9mm round hnih, 7.62 mm round nga, .22 round nga, 7.65 round li leh .303 round thum, aiming ring pathum, rubber round khat, miniflare cartridge pakhat, anti-riot shell panga leh Baofeng Radio set chu Kangpokpi District-a L.jangnomphai aṭangin an man bawk.