Police ten Ahmed lakah charge sheet an thehlut

Meghalaya police chuan Bangla­desh-a eptu party hruaitu, Salahuddin Ahmed lakah charge sheet an thehlut.

Phalna nei loa India rama awm thubuaiah May 11 khan Ahmed hi Shil­long-ah man a ni a, additional deputy commissioner judicial court chuan Foreigners Act, section 14 tlawhchhanin, thubuai a siamsak a, he dan tlawhchhan vek hian Meghalaya police te chuan charge sheet an siam a ni.

Ahmed hi Bangladesh Prime Minister hlui, Khaleda Zia-i kaihhruai Bangladesh Nationalist Party (BNP) sorkarah kum 2001 aṭanga 2006 thleng khan communications minister hna a lo chelh tawh a ni.