AFSPA hlih phutin Sit-in protest huaihawt

Imphal-a Save Sharmila campaign group, Sharmila Kanba Lup (SAKAL) chuan Manipur-a Armed Forces Special Powers Act (AFSPA) hlih phut­in Nilaini khan JN Institute of Medical Science (JNIMS) damdawi-in bulah sit-in protest a huaihawt.

Tripura sorkarin tun hnaia AFSPA hlih a remtih hnuah Manipur-a AFSPA hlih phutna pawh ngawrh zawka kalpui leh a ni a, human rights activist Babloo Loitongbam hmalakna hnuaiah Manipur-a school naupang 3,000 chuangte chuan tun hnai khan Prime Mi­nister Narendra Modi chu AFSPA hlip tura ngen­in, postcard an thawn.

Manipur-a AFSPA hlih phutin human rights activist Irom Shar­mila chuan kum 2000, November aṭanga chaw ngheiin nawrh a huaihawt tawh a ni.