Assam: CM-in Assam ṭhan len dan sawi

Assam chief minister Himanta Biswa Sarma chuan a X-ah state sorkarin scheme hrang hrang hnuaia kawng leh veivahna lama hmasawnna hna a thawh dan tarlangin, an hmasawnna hi 'Assam Growth Story' tiin a sawi.

Chief Minister chuan a kaihhruai sorkar chuan state chhungah kawng km 31,800 a thui leh lei 1,400 chuang an siam zawh tawh thu sawiin, state chhung intlawhpawhna in hma a sawn zel thu a a tarlang. Intlawhpawh tawnna ṭha neih chu ram ṭhan lenna leh hmasawnna ropui tak a ni, a ti. .

Scheme hrang hrang hnuaiah state sorkar chuan kawng 9066, a thui zawng km 31,869 chu siam tawhin state chhung hmun tam takah lei 1401 an dawh zo tawh bawk a ni. Geo-tagging pawh mi 250 aia tam chin chenna hmun 4125 ah neih zawh tawh niin, State Rural Roads Development Agency pawhin chenna hmuna a pawm tawh 3322 a pawm tawh chu PMGSY-IV hnuaiah zawhfel a nih tawh thu a sawi bawk.

PM-Janjatiya Unnat Gram Abhiyan hmalaknaain thingtlang khaw 652 hnuaia chenna hmun 834 pawh chhinchhiah tawhin, state chhunga district ṭhenkhatah chenna tur 543 siam a ni tawh bawk a ni.

Pathianni khan Chief Minister chuan Loh Purush Bishnuram Medhi Setu, Palasbari leh Sualkuchi inpawhna lei dawhna turah Bhumi Pujan alo buatsaih tawh bawk. He lei hi km 12.2 a thui tur niin in June 2028 ah zawhfel hman tura tih a ni. CM chuan legislator-te chu an bialah ṭheuh inpe zo taka hna thawk turin a ngen a, hei hian state hmasawnna leh ṭhanlenna kawngah nasa takin a pui dawn a ni, tiin a sawi.