Sikkim-ah nausen ni 11-a upa in Covid-19 kai

Sikkim-ah nausen ni 11 leka upa chuan Covid-19 a kai tih hmuh chhuah a ni a, an state-a hri kai hmuh tawh zingah naupang ber a ni. 

Naute hi August 30 khan STNM hospital-ah a piang a, damdawi aṭanga an chhuah hnuah a khua a sik avangin test turin hruai leh a ni a, Truenat hmanga test a nih hnuah hri a kai tih hriat a ni ta tih Pediatrician Dr Ruth Yonzon chuan a sawi. Naute nu hi an test-ah a negative thung a, hei vang hian a nu aṭanga kai a ni lo tih sawiin, gyanecology ward-a an awmna aṭang kai nia a lan thu a sawi bawk. 

Ningani khan Sikkim-a Covid-19 kai zing, kum 83 mi chu a thi a, ani nen hian hripui vanga thi pariat an awm ta a ni. Hemi ni vek hian hri kai hmuh chhuah thar mi 20 awm lehin, hri kai hmuh tawh hi mi 2,009 an tling tawh.