State Human Rights Commission din phut

Tripura-a human rights organisation, Association for Protection of Demo­cratic Rights (APDR) chuan state Governor Tathagata Roy hnenah lehkha thawnin, Tripura State Human Rights Commission din an phut thu an thlen.

APDR chuan an thil phut hi state sorkara thlensak turin Governor Roy an ngen nghal bawk.

APDR hruaitu Ranjit Sur chuan National Human Rights Commission-in state HRC din tura Tripura sorkar vawi eng emaw zat a hriattir hnuah state sorkar chu hma la duh loah a puh.

"West Bengal-a CPI-M kaihhruai, Left Front sorkarin kum 1995-a State Human Rights Commission a din tawh laiin, Tripura-a Left Front sorkar chuan he lam thilah hian hma a la ṭha duh lo a ni," a ti.