Eng chhit man sang NESSIA-in dodal

Assam Power Dis­tribution Company Ltd (APDCL)-in finan­cial year 2015-16 chhunga an sum mamawh phuhrukna tana eng chhit man tihsan a tum chu North Eastern Small Scale Industries Association (NESSIA)-in a dodal.

NESSIA chuan AP­DCL thil tum chu kal­tlangpui lo turin Assam Electricity Regulatory Commission (AERC) a ngen nghal bawk.

"Power kilo-volt-ampere (KVA) 50 thleng hman chi, industry te­naute chuan power man sang tur hi chhiatna a ni," a ti.

APDCL chuan thla khata KVA 5 thleng hmang chinah Kilowatt (KW) khat zelah cheng 30 a lak ṭhin chu cheng 50-ah tihsan a rawt a, KVA 50 chin hmangah KW khata cheng 40 a lak ṭhin chu cheng 60-ah tihsan a tum bawk.

NESSIA chuan power man sang avang hian industry tenaute chuan thla khata cheng 2000 vel an chawi ṭhin chu cheng 3000 an chawi a ṭul tawh dawn a ni, a ti.