AP: Chief secretary leh commissioner ten hmasawnna hnathawh tlawh

Arunachal Pradesh chief secretary Manish Kumar Gupta leh urban development, housing leh transport commissioner Vivek Panday chuan Aalo, West Siang dictrict chu December 9 khan an tlawh a, hmasawnna tura hnathawh hrang hrangte an enfiah.

Shi-Yomi district leh Menchuka pawh December 7-8 khan an lo tlawh tawh a, Mamu Hage, Deputy Commissioner, West Siang District, Tumme Amo, SSP, West Siang leh Head of Department (HOD) zawng zawng ten an ṭawiawm.

Chief Secretary leh Commissioner te hian Aalo-a bawlhhlawh paihkhawmna hmun, Hissam khuaa siam chu an tlawh. Helai hmunah hian bawlhhlawh phur lirthei (van) dah thar ani a, van hi service thuai tura tih niin bawlhlawh thliar hran kawngah hna a thawk dawn a ni.

Health leh Wellness Centre, Darka khuaa mi pawh tlawh nghalin Aalo-a Mini Secretariat sak mek endikna an neih nghal bakah thingkung phun programme "EK PED MAA KE NAAM", Nehru Chowk Aalo-a a neihah an tel bawk a ni.

DC Mamu chuan West Siang chu tourism, horticulture, agriculture leh sector dangah pawh hma hun eng tak an neih thu a sawi a, district hrang hrang a hmasawnna hnathawh kal zel dan pawh a tarlang nghal.