Meghalaya: CM-in ruihhlo do kawnga hma lakna thar siam pawm

Meghalaya chief minister Conrad K Sangma chuan Anti Narcotic Task Force (ANTF) nen meeting an neihnaah Meghalaya Drugs Control Wing (MDWC) ten ruihhlo leh a kaihhnawih khuahkhirh kawnga hma lakna tur an siamte chu a pawm.

Meeting-ah hian ANTF chuan dan thar khauh tak tak an siam chu sawi langin, pawikhawihtute tan database siam bakah hotpost mapping dah leh helpline atan WhatsAspp number dah te an ruahman a ni.

Hei bakah hian official interstate-a ruihhlo tawlhruk thleng ṭhin chhuizui dan tur inkaihhruaina thar siam an sawiho a, ruihhlo inhlanchhawn dan tih tawp leh zirna in hrang hranga awareness pek dan turte an sawi ho. He hmalakna turah hian department hrang hrang thlawpna an mamawh dawn a, stakeholder te nen lungrual taka thawh ho chu an tum bulpui ber a ni tih an sawi.

CM Sangma chuan thuthar lakhawmtute hnenah state sorkarin khawtlanga suahsualna leh ruihhlo hman khaw lohna thleng mek ti reh tur hian hma an lak zel tur thu a sawi. MDCW hi kum 50 lai an ding tawh a, mahse department tan dan fel tak siam a la nihloh thu a sawi bawk.