Arunachal sorkar lakah PIL thehlut

Social activist pakhat chuan Arunachal Pradesh sorkar chu Centrally Sponsored Scheme hnuaia central fund tichingpena puhin Gauhati High Court-ah Public-Interest Litigation (PIL) a thehlut.

East Kameng district, Seppa khuaa social activist Tana Naya chuan June 1 khan Justice Rumi Kumari Phukon awmna, Gauhati HC Itanagar bench-ah PIL hi a thehlut a ni.

Social activist Naya hian state sorkar chu kum 2011- 2015 inkara central fund a dawnte a nihna loa pawtpeng leh tichingpenah a puh a, hemi chungchangah state Chief Secretary, Special Secretary, Development Commissioner, Finance secretary leh Disaster Management director te chu insawifiah turin a phut.