ACS-in stapled visa vangin nawrh huaihawt

Arunachal Pradesh ram inchuh thubuai avanga China-in Arunachal mite hnena visa pangngai a pek chhuah duh loh chungchangah Arunachal Civil Society (ACS) chuan kar kalta Inrinni khan Delhi-ah nawrh a huaihawt.

China chuan a ram tlawh tum Arunachal mite chu stapled visa a pe ṭhin a, hei Airport-ah pawm a nih loh avangin Arunachal mite'n China an tlawh theih loh phah ṭhin.

Delhi-a nawrh huaihawtte hian Arunachal Bhawan aṭangin Chinese embassy panin kawng an zawh a, China stapled visa policy chu hlih an phut bakah India sorkar chu China thuneitute hnenah hemi chungchang hi bawhzuisak duh lohah an puh bawk.

Kawng zawngte hi China embassy an thlen hmain police te'n an lo dang a, buaina lian tham a thleng lo.