Shillong-ah helmet rule hmang

Meghalaya Traffic police-te chuan Thawhlehni aṭang khan Shillong khawpuiah helmet rule an hmang a, two-wheeler khalhtu bakah an mi phurhte pawh helmet khum vek tura tih an ni. 

Helmet rule hman ṭanni hian two-wheeler-a chuang, helmet khum lo an mante pawisa chawitir aṭangin traffic police-te chuan Rs 54,000 an hmu chhuak a ni. 

Superintendent of police (Traffic), Siddharth Ambedkar chuan he dan hi an hman ṭan ni a nih avangin an man zawng zawng pawisa an chawitir nghal lo tih a sawi a, traffic police-te chuan two-wheeler neitute chu an mi phurhte hman tur helmet nei tel vek turin an hriattir a ni, a ti. 

MV Act of 1989 hnuaiah helmet khum lo mante hi Rs 1,000 chawitir tur an ni a, a mi phurh pawhin helmet hi a khum lo a nih chuan a rider hnenah hetiang zat hi chawitir a ni bawk. Shillong traffic police-te chuan helmet rule an hman chu mipuite an zawm ṭha nghal hle tih sawiin, lawmthu an sawi  nghal  bawk a ni.