RSS hotu Assam-ah a zin

Rashtriya Swayamsevak Sangh (RSS) hotu lu ber, Mohan Bhagwat chu ni nga cham turin Thawhlehni tlai khan Assam a thleng. 

RSS hotu hi Guwahati-a Adimgiri Hills-a Ashram-ah a thleng a, a cham chhung hian mipuite  hmaa inlan leh public meeting-te neih a tum lo. A zin chhan hi puanzar ni lo mah se, Assam-a RSS hnathawh leh hma lak dante a en dawn nia sawi a ni a, an pawl hruaitute chu closed-door meeting a neihpui dawn a, political leader ṭhenkhat a kawm bawk ang. Bhagwat hian chief minister Sarbananda Sonowal hmuin, state chhung politics dinhmunte sawipui a tum. 

Guwahati-ah hian December 5 thleng a cham dawn a, hemi hnu hian Nagaland leh Arunachal Pradesh-te a tlawl leh ang. December 12-ah Guwahati-ah kir lehin, Guwahati-a RSS office-ah RSS hruaitu hrang hrangte a kawm leh dawn a ni. Bhagwat hian nakkuma state assembly inthlan tur thlirin Asasm hi a tlawh nia hriat a ni a, rorellai BJP chuan thuneihna chan chhunzawm leh ngei a tum a ni.