Tripura : NEC Plenary Session-ah venhimna tikhauh dawn

North East Council (NEC) Plenary Session,vawi 72-na chu December 20-21 hian a Tripura khawpui, Agartala-ah neih a ni dawn a, hemi atan hian khawpuiah venhimna khauh lehzuala kalpui ani dawn.

Session-ah hian union home minister Amit Shah, DoNER minister Jyotiraditya Scindia, hmarchhak state-a chief minister leh deputy chief minister-te bakah governor-te an tel dawn a ni.

West District Superintendent of Police Kiran Kumar chuanNRC Plenary Session lo tawm turah Agartala khaw pumpuiah venhimna khauh tak a kalpui anih tur thu a sawi.Akhaura Integrated Check Post bulaah daidanna te siamin, ramri bulah ngun taka patrol neih a ni dawn a ni, a ti.

Agartala khawpui hi Bangladesh ramri, international border hnaihah awm a nih avangin venhimna lam pawh uluk a ngai hle a ni. SP chuan dan leh thupek kenkawh kawngah a ṭul ang anga hma lak chhoh mek a nih thu a sawi. Agartala ah hian NEC Plenary Session hi vawikhat an neihna tur a ni.