Meghalaya-in maktaduai 10 thing phun dawn

Kar kalta Zirtawpnia 'World Environment Day' puala hun hmanah Chief Minister Mukul Sangma chuan state sorkarin thing ṭiak maktaduai 10 phun a tum thu a sawi.

Mukul chuan Envi­ron­ment Day chu khaw­vel leh a chhehvel boruak chunga mipuiin mawhphurhna kan neih kawnga intuaitharna atan khawvel pumah hman a ni, a ti a, boruak si leh sa danglam chak lutuk leh khawvel boruak lum chho zel chu khawvel titi a ni, a ti.

"Climate change leh global warming chung­­­­changah mitinin mawh­phurhna kan neih avangin zirlaite te pawh school-ah environmental stu­dies subject zirtir an ni," a ti.

Chief Minister Mukul chuan nakkum thlengin sorkarin thing ṭiak mak­taduai 10 phun a tum thu a sawi a, hemi atan hian sorkar department tinte chu special programme buatsaih ṭheuh tura an hriattir tawh thu a sawi bawk.

Kumin 'World Envi­ronment Day' thupui atan hian United Nation (UN) chuan ‘Seven Billion Dreams One Planet Con­sume with Care’ tih a hmang.