Governor-in ‘Light up North East’ conclave a hawng

Nagaland leh Assam Governor P.B. Archarya chuan, “Light up North East” thupui hmanga Rotary International-in Guwahati-a 'National conclave for promotion and Media focus' a buatsaih chu a hawng.

Conclave-ah hian Naga­land parliamentary secretary for information & public relations (IPR), K.Khekaho Assumi chu khual zahawm a ni a, Assam MP leh minister ṭhenkhat an tel bawk.

Assumi chuan hmar­chhak bial chanchin ṭha lam chu national media-ah tarlan tam a pawimawh thu a sawi.

"India ram mipuite'n hmarchhak bial an hmel hriatna chu national media a ni a, media te'n a chanchin chhe lam an report tam avangin mipuiin hmarchhak bial an hriat dan a dik lo a ni. He thil hi media-a hmarchhak bial chanchin ṭha tarlan chauhin siamṭhat theih a ni," tiin Assumi chuan a sawi.

Nagaland IPR parlia­mentary secretary chuan hmar­chhak bialin India ram­pum huap media chak leh rintlak a neih a pawimawh thu sawiin, state tina IPR de­partment te chu an thil ma­mawhah thuamchak an nih chuan hmarchhak bial media chak tak an nih theih tur thu leh private media te pawh tihchak an pawimawh thu a sawi.