Assam : Waris Punjab De hruaitu Dibrugarh jail-ah let leh

Pubjab aṭanga inlakhran duhtu pawl, Khalistan thlawptu, Waris Punjab De hruaitu Basant Singh leh a thawhpui Amritpal Singh chu an parole hun a zawh tak avangin Thawhṭanni khan Dibrugarh Central Jail, Assam-ah dah luh an ni leh.

Singh hi high-security jail aṭang hian December 9 khan Punjab-a a chhungte thi vuinaa kal a ngaih vangin an chhuah tir a, vuina hun hman zawh hian Punjab Police te chuan Dibrugarh ah hian an hruai let lehnghal a ni.

Dibrugarh Central Jail-ah hian March 19, 2023 khan National Security Act (NSA) hnuaiah Basant Singh hi dah a ni. Kum khat chhung a awm tlin tawh vangin tan in dan angin parole a chhuah hi phalsak a ni ta a ni. Parole-a chhuah tir lailawk hi dam lohna emaw, chhungte thihna leh inneihna emaw, ro thil inchuh buaina leh zirna vangin an phalsak ṭhin.

Basant Singh rual hian Waris Punjab De member dang pathum chu 2023 khan Punjab aṭangin Dibrugarh jail-ah hian sawn an ni. Mi dang pathum an sawn telte chu Daljeet Singh kalsi, Gurmeet Singh Bhukhanwala leh Bhagwant Singh te an ni. A hnuah an pawl member dang paruk pawh sawn an ni ve leh bawk.