Modi-a'n ramri venhimna zirchian tur task force a din

Prime Minister Narendra Modi chuan Myanmar ramri venhimna atana hmalak dan ngaihtuah turin task force a din.

Task force hi hmarchhak bial venhimna atan leh ‘Act East Policy’ kalpuina atana a ṭangkai tur thu sorkar laipui thuchhuak chuan a tarlang.

Task force hotu atan Joint Inte­lli­gence Committee (JIC) Chairman RN Ravi ruat a ni a, member-ah Ministry of Home Affairs, Assam Rifles, Border Security Force, Indo-Tibetan Border Police, Intelligence Bureau leh RAW-a senior official te dah an ni bawk.

Ministry of Home Affairs (MHA) official chuan Myanmar ram­ri vengimtu, Assam Rilfes te duhkhawp lohna a tam thu sawiin, tun hnaia thilthleng ngaihtuahin ramria venhimna kalpui dan chu ennawn a ṭul thu a sawi.

Official chuan hmarchhak biala hel pawl te'n zalen takin Myanmar ramri an kân thei a ti a, hei vang hian ruihhlo leh ralthuam te pawh awlsam takin tawlhruk a nih bakah hei hi India ram himna tiderthawng thei a ni, a ti.

‘Act East Policy’ policy kal­puina atan Myanmar ramri chu helte lakah a him a ngai a ni, tiin MHA official chuan a sawi bawk.

Task force hian zirchianna a neih hnuah thla khat chhungin report a thehlut ang a, rawtna te chu a rang lama tihpuitlin a ni ang.