Manipur: Security force-ten SpaceX siam starlink device man

Security force ten ralthuam zawn beihpui an thlakna kal zelah December 13 khan Imphal East district ah Starlink satellite internet device an man.

Misual tu tih hriat lohin Starlink sattelite antenna leh router an hnutchhiah tih thu an dawn bawhzuiin security force te hian Keirao Khunou huamchhungah ralthuam zawn beihpui hi an thlak ta a ni.

An thil manah hian RPF/PLA tih a inziak a, hei hi Elon Musk Space X siam Starlink internet device vawikhat an manna a ni bawk. He Starlink sattelite antenna an man hian security agency te ngaih a ti ṭh alo hle. He device hian Indian network aia a let tam taka chak sattelite-based-high-speed internet a pekchhuah theih vang a ni. Hei bakah hian sniper rifle, assault rifel, single barrel rifle, automatic weapon, pistol, ramchhung siam mortar, hand granade leh a mu tam tham tak an man tel bawk.

SpaceX founder Elon Musk chuan Manipur-ah a device hman nia sawi chungchang hi chhangin,India ramah Starlink satellite beam chu off a ni a, hman theih ani lo tih a sawi. Starlink hian India sorkarah satellite broadband service siamna turin phalna a dil mek chauh a ni. Hei vang hian device-an man hi Myanmar ram aṭanga tawlh luh a nih rin a ni.