Tripura: Army HQ aṭanga Bangladesh Victory Day thlalak paih an dem

Tripura Congress ṭhalaite chuan Indian Army Headquarters-a Bangladesh zalenna sualchhah hriatrengna thlalak in tar pawhthlak a ni chu an dem thu an sawi.

Lungawi lohna an lantirnaah Pradesh Youth Congress president Neel Kamal Saha chuan thu sawiin, thlalak hi 1971-a Bangladesh Liberation War laia India sipai laka Pakistan sipaite an tlawm tih lantirn leh, Bangladesh in zalenna a sualchhuahna kawnga India hnathawh ropui tih lanna a ni, a ti. December 17 khan Saha kaihhruai hian Pradesh Congress Bhavav-ah lungawi lohna hi an lantir a ni.

Congress ṭhalaite chuan BJP chu hmanlai thil nuaibo duh vanga thlalak hlu tak Indian Army General in Pakistan General hnen aṭanga tlawmna a lantir tihlanna thaibo an duh vangah an puh bawk a ni.

Saha chuan thlalak tar pawhthlak a ni chu thil zahthlak leh pawm theih loh anih thu a sawi a, India sipaiin hnehna an chan ropui tak leh Bangladesh zalenna sualchuahna hun pawimawh lantir a ni tiin a sawi. BJP chu ram chanchina mellung pawimawh thai bo tumah puhin, thlalak chu a awmna ngaia dahlet leh tura an phut thu a sawi.

Lungawi lohna lantirna hmunah hian Congress ṭhalaite leh thlawptu ṭhahnem tak an pungkhawm a, thlalak a awmna ngaia dah leh anih hma chu lungawi lohna lantir chhunzawm zel an tum a ni.