Meghalaya: KHADC leh JHADC inthlan hun tur pawm

Meghalaya governor CH Vijayashankar chuan February 21, 2025 a Khasi Hills Autonomous District Council (KHAD) leh Jaintia Hills Autonomous District Council (JHADC) inthlanni tura ruat chu a pawm a, February 24, 2025 ah inthlan result hi puan a ni ang.

Inthlan neih hun tur hi state cabinet chuan rel felin, inthlan chungchanga hriat tur pawimawh e chu January 27, 2025 ah puanchhuah a ni ang. Candidat- te chuan February 3 thleng nomination an thehlut thei dawn a, hemi ni vek hian nomination te endikna nghal niin, inhnuhdakw duh tan February 4 thleng hun an hawng dawn a ni.

Electoral roll draft hi January 13 ah tlangzarh ani dawn a, January 22 thleng sawisel leh siamṭhat nei tan hun hawn a ni ang a, January 24 aṭangin siamṭha ngaite siamṭhain January 27 final electoral roll tih chhuah a ni ang.

Deputy chief minister Prestone Tynsong, district council affairs enkawltu chuan inthlan neih hun tur Governor in pawm tak thu hi sawiin, code of conduct pawh January 27 aṭangin hman nghal a ni ang, a ti.

Political party-te pawhin inthlan neih tura atana an candidate tur an puang ṭan tawh a, Voice of the People Party (VPP) chuan council pahniha constituency 29 a an candidate tur an tichiang tawh a, National People's party (NPP) erawh chuan KHADC first list-ah candidate 18 leh JHADC candidate 29 an puang tawh thung. Khasi Hills National Development Movement (KHNAM) chuan KHADC a an candidate pariat an puang tawh a, party dang United Democratic Party (UDP), Congress, HSPDP, BJP leh Trinamool Congress te chuan a nla puanglo thung.