Assam: Tezpur University Professor hnenah Literary Award hlan

Tezpur University, Assam-a Hindi Department Assistant Professor hna chelhlai mek Goma Devi Sharma chu Nepal Devkota-Lu Xun Academy ten Devkota-Lu-Xun Pragya International Award 2024 an hlan.

Vice-Chancellor, Tezpur University Prof Shambhu Nath Singh chuan chawimawina sang a dawng chu a lawmpui hle a, a thawhpui dangte leh zirlaite ah chona thar siamtu nise a duh thu a sawi bawk a ni.

He chawimawina hi Nepali literature leh a lehlin kawnga thawhhlawk tak tak te an hlan ṭhin a ni.

Devkota-Lu Xun Academy hi literary leh hnam ziarang zirna tura tih niin 2011 khan thuziakmi, critic, ṭawngletlingtu, artist, researcher, media mite leh cultural activist ten thu leh hla bakah Nepal leh China inkara cultural dialogue zirchianna turin anlo ruahman tawh a ni.

He academy hi Laxmi Prasad Devkota, Mahakavi, Nepal leh Lu Xun, China thuziakmi hriathlawh tak hming aṭanga lak ani bawk.

Sharma hian Indian Nepali literature hmasawnna atan a thawhhlawk hle a, chu chuan rah ṭha chhuahin World Nepali literature ah a hlangkai theih phah a ni.

He chawimawina sang hi Sharma hnathawh ṭhat leh thuziah lama a thiamna te, ṭhahnemngai taka researcher hna a thawhna te, ṭawng leh lama a thawhhlawkna te leh mi kutchhuak ṭhat leh ṭhatloh endikna kawnga a thawhhlawk vangte in an hlan a ni.

Sharma hian thuziah leh academic community ah hma a la nasa em em a, a hnathawh tehi India ṭawng pahnih Hindi leh Nepali hmanga zir theih ani bawk.

Assam sorkar Asom Bhasha Gaurav Samman (2021) leh Rashtriya Puraskar (2022), Delhi- based Hamro Swabhiman Trust tepawh alo dawng tawh bawk a ni.