Sikkim: Tribal community tih hmasawnnan Rs nuai 51.76 dawng

Sikkim-a tribal community tih hmasawnnan Cooperation Department chuan grant-in-aid Rs. nuai 51.76 chu Van Vikas Kendras (VDVKs) pasarih-a hman turin December 18, 2024 khan a hlan.

He inkhawm hi Sahakari Bhawan, Tadong-ah neih niin Arun Kumar Upreti, Cooperation leh Rural development minister a kaihruai a, senior official eng emaw zat an tel bawk.

Cooperation Department secretary Gloria Namchu chuan PM Van Dhan Yojana (PMVDY) sawi hawnna hun a nei a, tribal community tih hmasawnna tura a pawimawhna te a sawi. Van Dhan Vikas Kendra chu Sikkim a hmun 80-ah siam niin , 77 chuan pawisa an dawn tawh thu a sawi bawk. He scheme hmang hian Self-Help Group (SHG) 14 leh VDVK tina Multi-purpose Cooperative Society (MPCS) pakhat zel puih a ni dawn a, hamṭhatna dawngtu hi bial khatah mi 300 vel zel an tling ang.

Van Dhan Kendras pasarih, ṭanpuina dawngtute hi district hrang hranga mi niin, heng centre tana sum pek hi Rs 51,76,350 a tling.