Arunachal-ah ruahsur nasa; Leiminah mi 2 an thi

Arunachal Pra­desh, Itanagar-a ruah sur nasa avanga lei­minah Thawhlehni khan mi pahnih an thi.

Leimin hian chen­na in a hnawl a, chhungkaw pa ber leh a fanu kum 10 an thi a, chhungkaw nu leh a fapa kum sarih miin hliam tuarin, damdawi-inah enkawl an ni.

Arunachal Chief Minister Nabam Tuki chuan mitthi chhungte chu a tawrhpui thu sawiin, sorkarin zângnadawmna cheng nuai li a pek tur thu leh hliam tuarte enkawlna senso pawh a tumsak tur thu a sawi.

State Disaster Ma­nage­ment Department chuan June 13 thlengin Arunachal Pradesh-ah hian ruah nasa taka a sur tur thu a tarlang.

Hetihlai hian state sor­kar chuan Itanagar Capital Complex leh a chhe­vela school te chu Nilaini aṭang khan a khar a, Inrinni thleng khar an ni ang.

State sorkar chuan mipuite chu leimin thleng thei lakah fimkhur turin a chah a, nunna hloh a nih loh nan leimin leh tuilian thlen hlauhawma awmte chu awlsam taka hmun him lam pan thei tura inring renga awm turin a ngen.