Manipur: Facebook-a CM vauna post kaihhnawihah mi 3 man

Manipur police-te social media-a chief minister N Biren Singh leh a minister-te chungchang mawi loa taka post leh vau an nih kaihhawihah mi pathum an man.

An mi mante hi Ningombam Dingku (22), Lairongthem Mayai Leikai; Malemnganba Leithangbam (21), Kwakeithel Makha Thokchom Leikai Heinoukhongnembi leh Thongam Romen (39), Keirak Mayai Leikai-a mite an ni. Facebool page, 'Manipur News Group 2024' aṭangin CM leh Council of Ministers-te vauna thu hi post an ni a, an mi mante hi he page admin te an ni.

Police-te chuan a pathum hian an page-ah user pakhatin CM leh a cabinet minister-te dahbo a tumna thu ziah post chu post an lo phalsak avangin ma na ni tih an sawi. An pathum hian Imphal West-a Duty Magistrate hnenah hruai niin, police hnena an mi mante hi thu zawhfiah tur ni ngha chhung an kawl a phalsak.

Facebook page-a Punshi Meena a inti a, police-te chuan man chhuah tumin an zawng mek a ni.CM leh a cabinet minister-te laka tharum thawhna thlen tura midangte fuih zawngin thu a post niin an sawi.

Helpawl camp pahnih hmuchhuak

Manipur-a security force-te chuan Imphal East district an dap kualnaah, Meitei helpawl pahnihte camp an hmu chhuak tih Ningani khan an sawi.

Camp an hmuh chhuah pakhat hi Kanglei Yawol Kanna Lup (KYKL) camp niin, Makou Pourabi-ah an hmu a ni. He hmunah hian air gun pakhat, mobile handset pakhat leh bulletproof helmet pakhat an hmu bawk.

Makou Pourabi-ah vek hain PREPAK training camp an hmku bawk a, camp-ah hian INSAS LMG magazine pakhat, bayonet, dummy gun panga, walkie-talkie ste panhnih leh cartride an man.

Kakching district-a Bijoypur Mamang Leikai leh Makha Leikai-ah helpawl mi leh sa nia rinhlelh mi paruk man a ni bawk a, an kut aṭang hian mobile handset pathum man tel a nih thu police-te chuan an sawi.