Myanmar-in a ram aṭangin NE helte nawrchhuak dawn

Indian Army te'n NSCN (K) helte laka beihpui an thlak hnuah Myanmar Army te pawhin hmarchhak hel, an rama inkulhte chu nawrchhuah tumin, beihpui a thlak tiin Times of India (TOI) chuan a tarlang.

TOI report chuan June 9 khan Indian Army hnuaia 21 Para (SF) unit-a commando te chuan Myanmar-a hmarchhak helte camp pahnih an luhchhuah thu a tarlang a, NSCN (K) helte chu an chan an chhe tawh thu leh helte chuan Taga, Myanmar-a an hmunpuiah ṭanpui dilna thu an thawn tih a tarlang. NSCN (K) hotu SS Khaplang-a thu thawn, Indian agency te'n an lo hriatruk thu TOI news report chuan a tarlang bawk a, an thu hriat rukah hian NSCN(K) mo­bile unit te chu Myan­mar ram aṭangin Myan­mar Army te'n an nawrchhuak dawn tih Khaplang-a'n a sawi an ti.