Meghalaya : Ramri buaina ngaihthahah Assam puh

Meghalaya sorkar chu Assam sorkarin ramri buaina an neih chungchang a ngaih pawimawh loh avangin leh, inbiakna hun ṭha a siam duh loh avangin Assam lakah a lungawi lo hle.

Ramri chungchanga a ngaihmawh thilte chu Meghalaya sorkar chuan Assam hnenah a lo hrilh tawh a, West Khasi Hills DC pawhin hemi chungchang hi Kamrup DC nen an lo sawidun tawh bawk. Assam regional chairman Chandra Mohan Patowary pawh inbiakna an neihpui tawh thu Meghalaya cabinet minister Paul Lyngdoh chuan Zirptawnia regional committe an neihah a sawi.

Assam leh Meghalaya hian ramria buaina an neih chungchanga inbiakna an neih hmasakah, kum 2023 March thla klhan a thawh khatna atan hmun 12-a hmun parukah inremna an lo siam tawh a ni. He inremna hi union home minister Amit Shah telpuina hnuaiah Assam chief minister Himanta Biswa Sarma leh Meghalaya chief minister Conrad K. Sangma te an ziak a ni.

Inremna an siamna hi Gizang, tarabari, Boklapara, Khanapara-Pilangkata, Ratacherra leh Hahim ah niin, a thawh hnihaah hian Langpih, Borduar, Deshdoomreah, Block I-II, Psiar-Khanduli leh Nongwah-Mawtamur (Garbhanga) ahte inremna siam hmabak a ni. Mahse a thawh hnihnaa inremna siam tur hian state pahnihte hian hma an la chak thei lo hle a, hei hi Assam lamin a ngaih pawimawh tawk loh vang niin Meghalaya lam hian an puh a ni.