Manipur: Police ten ruihhlo man

Manipur police-te chuan December 21 khan hmun hnihah ruihhlo tam tham tak an man a, hemi rual hian a zuartu mi pathum an man tel bawk.

Ruihhlo man beihpui an thlakna hmasa zawkah hian WY tablets kg 13.942 chu Kuroupokpi, Kakching district ah an man a ni. Police-te hian lirthei ke pali nei Moreh aṭanga rawn tlan chu lo ti dingin he lirtheiah hian ruihhlo hi an lo man sak. A neitu nia puh, Md Abdur Rehaman (40), Sora Awang Ching Wangma, Kakching ami chu an man bawk a ni.

Hmun dangah hian lirthei aṭangin ruihhlo hi an man bawk a, mi pahnih an man tel. An kut aṭang hian SP tablet packet 30 an man sak a, packet 30 ah hian strip 90 awmin a vai hian strip 2700 a ni. NH-2, Hengbung khua, Senapati district bul hnaia an man niin an mi mante hi Md.Akber Khan (37) leh Md. Abdul Rahman (36) te anni.

An mi mante kut aṭang hian SP (Samplex+) capsule bawm 30 chhunga capsule 720 awm an man bawk a, lirthei ke pali nei pakhat, mobile phone pali, Aadhaar card pakhat, PAN card pakhat leh pawisa Rs. 7360 an mansak nghal bawk.