Assam: Police-ten naupang kumtling lo inneih tirtu an man

Assam police-te chuan December 21-22 zan khan naupang kum tling lo inneih tirnaa inhnamhnawih mi 416 an man. Thubuai 335 an ziak lut a, nimin khan heng mite hi court-ah hruai nghal an ni.

Chief minister Himanta Biswa Sarma chuan a official social media-ah hemi chungchang hi tarlangin, police-te kum tling loa naupang inneih tirtute dap hi thawh thuma an kalpuinaah mi 400 chuang an man thu a sawi. "Hetianga

thil dik lo tak leh tenawm tak ti ṭhin tu te hi manchhuah zel an ni dawn a, tih tawp a ni bawk ang," tiin a kaihhruai sorkar chuan hma a lak zel tur thu a sawi.

Police-te hian College TOP, Bazar TOP, Dharmasala, Soulmari, Gauripur, Golakganj, Tamarhat leh Bilasipara huamchhung an dapnaa heng mite hi an man a ni.

Assam sorkar hian kum 2023 February leh October thla khan naupang inneih tirtute dap hna hi a lo kalpui tawh a ni. February, 2023-ah khan mi 3,483 manin thubuai 4,515 a ziak lut a, October-a dap hna an kalpuinaah mi 915 manin thubuai 710 an lo ziak lut tawh bawk. State sorkar chuan Assam a kum tling loa inneih tir thleng ṭhin chu tih rem a tum a ni.