Meghalaya: West Jaintia Hills khuaah khualzinte tan dan khauh tak siam

West Jainntia Hills, Meghalaya-a  Dorbar Shnong-a Thangrain khua ah khualzinmite tan dan thar khauh tak an siam. An khaw huamchhungah hian dan phal loh thil hrang hrang, midangte tana hnawksak emaw intihnat tawn theihna chi reng reng a khap tlat a ni.

He khua hian picnic, zu ruih, pawisa khelh leh thil dang dang chu tourist spot ah te hian a khap nghal bawk.

Zan dar 7 hnu lama mihring inhmuhkhawm te leh tawikhawtlai phal lohna signboard te an tar bawk a ni.

Tawngkam mawilo hman leh vantlang puipunnaa buaina siam te pawh an khap  bawk a, khawchhung tlawhtute chu mei an chhem pawhin an hman zawha ti rem leh nghal turin thuchhuah an siam bawk.

Thupek zawm lochu Rs 5,000 chawitir thlenga hrem theih an nih thu an sawi bawk a ni.

Hremna pawisa hi an pek loh chuan Village Council chuan dan kengkawhtute hnenah a thlen thei ang.

He hmalakna hi khaw miten khawchhung an tih faina lamah zu bur thahem tak leh bawlhlawh tam tak an chharkhawm avanga siam an ni.